ذكاء ام تذالة؟؟؟

شو ليش ما رديتو على موضوعى بينو مو عاجبكم

في أحد البلدان الاوربيه صار حادث بين سيارتين ،السيارة الاولى يسوقها شاب والثانيه تسوقها فتاة ..

المهم في الحادث السيارات راحت فيها ، يعني ما ظل منها شي ، لكن بلطف من الله الشاب والبنت

طلعوا من الحادث زي الشعرة من العجينة ...المهم طلعوا الاثنين من السيارة وباركوا لبعض على

سلامتهم من الحادث الأليم ، يعني اللي يشوف هذا الحادث يقول أكيد في وفيات لا محالة ...

قعدوا يتكلمون مع بعض على جنب وقال الشاب للبنت :ما احلى هذه الصدفة اللي جمعتنا في حادث واحد

انا وانتي .... " بدأوا يتقربون من بعض " ...قالت البنت مع انه حادث وراحت سيارتي لكني سعيدة اني

لقيتك ....وبعدها جلسوا يضحكون مع بعض ونسوا الحادث وتم التعارف بينهم ...بعد شوي قالت البنت :

تصدق ان حظنا سعيد لاني معاي بالسيارة زجاجة ويسكي : شرايك نشرب ونكيف واحنا بموقع الحادث ،

وننسى هم الحادث ...قال الشاب فكرة حلوة واخذ الشاب الزجاجة وقام يشرب منها حتى بقي شوي

وبتخلص ...وبعدها قال : يلا اشربي يا حلوة ، دورك خلينا نكيف شوي ... قالت : لو كنت غبية مثلك

لشربت ...

الحين تيي الشرطة وتلقاك سكران ويحطون الغلط عليك مية في المية وتصلح سيارتي وغصبن عن

شنبك ...